“Kur të bëhem presidente e Francës, do të nis anulimin e njohjes së Kosovës”. Kështu ka bërë të ditur kandidatja presidenciale Marine Le Pen gjatë një interviste për gazetën serbe “Srpski Telegraf”. Le Pen, kryetare e Frontit Demokratik, ka pohuar: “Kosova është tokë e shenjtë serbe, prandaj shteti i saj do ta tërheq njohjen e Kosovës”. Gjithashtu, ajo theksoi: “Ndaj serbëve është bërë padrejtësi e madhe në vitet e ’90 dhe se Europa është e obliguar të përmirësojë këtë padrejtësi”.
Sipas sondazhit të fundit, nga gazeta e famshme “Le Figaro”, Marine Le Pen dhe kandidati i qendrës Emmanuel Macron udhëheqin garën presidenciale me nga 26%, përfaqësuesi konservator Françios Fillon ka 17%, derisa dy kandidatët majtistë, socialisti Benoît Hamon dhe ekstremisti Jean-Luc Mélenchon, kanë nga 12%.
Zgjedhjet presidenciale në Francë do të mbahen më 23 prill.